في المسرحية التاسعة … لا جديد يذكر .. ولا قديم يعاد

استمراراً علي نهج عاطف الحسيني … شهود لم يروا شئ

الجلسة اليوم مملة جداً

لا جديد فيها

حتي انها اتئجلت برضه

ليوم التلات

كان الشهود اللي جايين فيها

مش فاكرين حاجة

يدوب الحمد لله حافظين اسمائهم ورتبهم بالعافيه

ومش عارفين جايين يعملوا ايه

-يمكن جايين يعزوا-

بدأت الجلسة

بمناداة الشهود الثلاثة عشر

والذين من بينهم هشام توفيق

اللي كان جه هنا البيت

وبعد تبين حضورهم جميعا

وجد المحامون اختفاء احد الاشخاص

وهذا الشخص له مواصفات معينة

وهو ممتلئ وليس بالطويل او القصير

اصلع ويرتدي بدلة

-تقريبا سُرقت من سرار-

المهم

هذا الشخص تبين انه

“مستخبي”

وقرر القاضي ان يرفع الجلسة للبحث عنه

وبعد حوالي عشرة دقائق

وجدوا هذا الرجل التائه

وبدأت الجلسة

وقرأ القاضي محضر الاتهام

وقال

هشام توفيق يقف

والباقي يطلع بره

وبدأت المحكمة تسأل

وسأل القاضي سؤال واحد

وبعدين قال الدفاع يتفضل

“فقاله المحامي ” هوا اسئلة المحكمة خلصت

فرد القاضي اتفضلوا احنا عارفيين الدفاع مابيسبش الشاهد في حاجه

وفي وسط الاسئلة كده

قال المحامي لهشام توفيق

انت رجعت للمهندس خيرت الشاطر 7 اجهزة كمبيوتر

فقاله : لا

-!!!الظاهر ان الاجهزة اللي جاتلنا دي جايه من حتة تانيه-

المهم ان الشهود غلطوا كتيير اوي

يعني واحد قال انه تم امره بضبط النتهم

عن طريق الهاتف والفاكس

ونفس الشاهد مكتوب عنه في محضر تحقيقات النيابه

انه عاطف الحسيني بنفسه قابله وامره

وواحد تاني

قال انه فتش بيت وشركه من غير اذن من النيابه

وواحد عامل محضرين

واحد بخطه

والتاني مايعرفش عنه حاجة

وفي الآخر رفعت الجلسة

ليوم الثلاثاء