فرحتنا النهاردة موش فى شرم الشيخ ولا برج العرب ولا باريس
ومافيش كروت دعوة وحتى الدخول بموافقة من البوليس
وماعندناش معازيم وزرا ولا مسئولين كبار ولا أي رئيس
فرحتنا فى طره خلف الأسوار وورا القضبان والمتاريس
وتحت الحصار والمراقبة من السجانة والمخبرين والجواسيس
وفى وسط القبض والأعتقالات والنيابة والمحاكم لأخر الكوابيس
لأن فرحتنا فى قلبنا والقلب فى أيد ربنا مش فى ايد ظالم أو خسيس
وبالعيلتين وبكل الحبايب فرحة صادقة من غير غش ولا تدليس
وعلشان أوضح كلامى هاسيب القافية وأضرب أمثلة للشرح والتدريس
شوف مهجة ونيرة شوف القلوب العامرة
شوف أنس وعائشة وضحكتهم المدندشة
شوف فاطمة ورقية ودخلتهم قبل أبوهم علياشوف عبده شوشة وطلته البشوشة
شوف هيثم بغدادى وفرحة كل أولادى
شوف عاصم وعامر وأمانى وضحكهم الحانى
شوف مريم سعودى بتوزع الحلويات للأطفال ولينا القهوة السعودى
شوف ألاء وأفنان وولاء وايمان شوف الفرحة والحنان
شوف شقاوة حبيبة وطعامة نور ولعب عمر وحمزة ووفاء فى فرح وسرور
شوف رضوى وسارة شوف الفرحة والشطارة
شوف على جلبط عايز يطلع أبوه بره السجن لو حتى في شنطة أو كيس
شوف سارة حافظ شوف سندس وسلسبيل وفرحتهم والكلام الجميل
شوف يحي غزلان بشوش ومتفائل وفرحان
شوف أفرحنا اللى فاتت عمر حداد وسمية صادق وسارة خيرت ومريم عبدالجواد
شوف افراحنا القريبة اللي جايههاخليها ليكم مفاجأه هنيه
شوف لهفة الاهل ،الاولاد و معاهم الاحفاد
شوف و شوف هتلاقي الامثله الوف
ولأن الحضور كلهم اطهار وشرفا ومافيش منافق ولا خسيس
…لا فُضَّ فوك يا باشمهندس
…فك الله أسرك وجمعنا بك على خير بإذن الله
فعلاً صدقت واللهِ، لو علموا ما بداخلنا من حب وصفاء وأخوة لقاتلونا عليه بالسيوف.
جزاكَ الله خيراً على النقل يا سعد.
سلام خاص للدكتور خالد أبو شادي، ودعواتنا له بالثبات والعمل الدؤوب في رمضان.
/أخوك
المنشد العام للإخوان المسلمين
Comment by المنشد العام للإخوان المسلمين — September 9, 2007 @ 5:42 pm
كل عام وانتم بخير وعادة الله عليكم وعلى الاهه الاسلاميه بكل خير
كل عام وانتم منصورين واقوياء
كل عام ومصر بخير
احمد الجيزاوى
Comment by مدونه انا بحبك يا مصر — September 11, 2007 @ 12:43 am
المنشد
—
جزاك الله خيرا
وان شاء الله اوصل السلام بس انا اشوفه بس
لحسن انا من زمان ماشوفتوش
Comment by saad alshater — September 11, 2007 @ 8:18 am
الجيزاوي
–
وانت بالف خيير يا احمد
وربنا يجعل هذا الشهر فرجا ومخرجا لنا ولمصر كلها
Comment by saad alshater — September 11, 2007 @ 8:20 am