من لم يدع قول الزور والعمل به فليس لله حاجة في ان يضع طعامة وشرابه

النهارده الجلسة صعبة جدا

 

اولا لانها اول جلسة في رمضان

 

ثانيا لأنها دخلة الدراسة فكان ناس كتيير مش موجودين

 

المهم هيا اتئجلت ليوم السبت

 

يعني مافيش احساس بالناس خالص

 

حسبنا الله ونعم الوكيل

 

بس فيه حاجة كده استوقفتني في الجلسة

 

اللي كانت عبارة عن استكمال سماع شهادة المزورون (الشهود)

 

المهم ان ظابط فيهم جاي بصفته الذي قام بضبط ايمن عبد الغني

 

انا استغربت اوي لاني ماشوفتوش قبل كده

 

مع ان المهندس ايمن عبد الغني ساكن في نفس عمارتنا

 

وكمان انا اللي نازل بظابط امن الدولة (هشام توفيق)

 

لبيت الباشمهندس ايمن

 

المهم ان الاستاذ ناصر قاله ما قولك وانك لم تقم بتفتيش

 

وان الذي قام بالتفتيش ظابط اخر

 

فقال انا رحت البيت وقمت بتفتيشه

 

وبيوضح انا رحت وخبطت علي الباب

 

-يمكن راح اخد واحد تاني-

 

ابي قال يا سيادة القاضي

 

انا المتهم الاول في القضية

 

وايمن عبد الغني ده جوز بنتي

 

وانا عايز اثبت ان الشاهد ده شهادته زور

 

ايمن عبد الغني ساكن في نفس العقار بتاعي

 

واللي فتش بيته هوا هشام توفيق

 

رئيس المائمورية اللي جاتلي

 

وهوا اصطحب ابني سعد وهو حاضر امامكم

 

وذهب الي بيت ايمن عبد الغني

 

وبعد رفع الجلسة للصلاة

 

لقيت ان الشهود بيقولوا عايزين نصلي

 

!!!قلتلهم انتوا تكذبوا وتروحوا تصلوا ازاي؟؟

 

فقال واحد فيهم احنا لازم نصلي

 

فقلتلوا يعني واحد زي ده وشاورت علي شاهد المهندس ايمن

 

ازاي يصلي ده اصلا كذاب

 

المهم خناقه بسيطه كده وانا رحت لحالي

 

يللا حسبنا الله ونعم الوكيل